In Eloquent Sudanese Language: The Tale of Revolutionary Ideas!

دي موجّهات تانية في "حديث الثورة العاقلة" رقم ٧... والله برجو الاستماع ليها حتي النهاية، حتي اذا شفتو اني كنت سخيف او شخصي فيها. واذا كان علي مسألة شخصي فعندي مبرراتي، وهي بتتعلّق بالشفافية والمصداقية، وبتتعلق بسرد او قصة الثورة نفسا.

في التسجيل السادس من حديث الثورة العاقلة اتحدثت عن الاحزاب الطائفية السودانية (Sudanese Sectarian Parties)  ال بنتقدا من اول ديمقراطية، وبديت دا في ايام الديمقراطية التانية. وذكرت بعض الاسباب، وهنا في توضيح اكثر، من خلال قصة السودان القديم دي.

انقطعت عن الرسائل دي فترة لاني والله وصلت لمرحلة يأس، بيصل ليها الانسان البيعمل فترة طويلة في اي مجال، وما يجد في النهاية اي تقدم، فيقوم ينتقد العمل، ويزهج منو. لكن ما بقول انو الانسان ممكن يصل مرحلة اليأس اذا كانت عندو عزيمة... ودي باعني بيها برضو انو الثورة ما ممكن تصل مرحلة اليأس اذا كان ال بيقوموا بيها ونحنا منهم عندم عزيمة واصرار.

النظام الدموي دا عندو عزيمة واصرار، مع انو بيعرف تمام انو ما عندو حلول بعد دا لاي مشكلة في السودان، وهو عايش علي امل انو الشعب ضعيف جدا، حتي اللحظة الاخيرة. وكان زمان بيعوِّل علي انو الناس زهجت من الديمقراطية ال سميتا "الديمقراطية الكسيحة" وزهجت من الإنقلابات، وسلمت ليهو. والليلة اصبح النظام دا متأكد من انو علي خطأ، فالناس الزهجت دي اهي مستمرة في المقاومة. وهنا في حكمة هي انو اي زول زهج من المحاولة بيعود لما يشوف الناس تاني قامت، وبينمو الامل من جديد في قلبو، وبنفس الطريقة، زي ما الفرد هر عامل مهم في اي ثورة وبيلهم الثورة، الثورة كمان بتلهم الفرد انو يكون فاعل اكثر، ودا تبادل قيّم  بين حركة الثورة والانسان الثوري جد.

يا رفاق، (باللغة السودانية الفصيحة - eloquent Sudanese language) وبعني في الواقع والله، مجموعة إتحاد ابادماك (ABADAMAC) ومجموعة الشباب ال كنت او لسه عضو فيها، وحتي الممجموعة الاولي البنيتها مع بعض الرفاق في اياما الاولي وكنّا اول مجموعة بيها واسما "تنسيقية المعارضة السودانية في الخارج" (The Sudanese Opposition Coordination Abroad)، واللي قام واحد من الزملاء فيها بمسحي من واحدة من مجموعاتا، بقرلر منو شخصياً، يعني قرار فردي، بسبب بعض انتقاداتي لطريقة العمل ومشاركة احزاب سياسية سودانية (Sudanese Political Parties) فيها، بعد ما كبرت المجموعة شوية، وإنضمت ليها مجموعات معارضة سودانية (Sudanese Opposition) لا بأس بها، ومجموعات مسلحة كمان، ودا ح اتكلم عنو في النهاية، رغم ان يكتبت عن ذلك في صفحة (The Case of the Sudanese Opposition Coordination Abroad)، وكلامي موجّه برضو لمجموعتين تلاتة اخري كنت بيها، وبعدين استفادوا فيها من كلامي عن مشاكل السودان السياسية (Political Problems in Sudan) وبقوا يرددوه، وبدوا حتي يستخدمون عباراتي، ودي برضو ح اشرحا مع الحديث عن العبارات، ال ما ممكن ابدا تكون متاحة لاي شخص تاني، بنفس الطريقة بتاعت التفكير ال انتجت العبارات دي بالحرف والكلمة، وهي بيسموها زي المثل او كوتس (quotes) وبتصبح زي النتاج الادبي العندو حقوق ملكية خاصة بي الزول ال انتجو (copyrights)، فعلي الاقل تجدر الإشارة للمصدر، زي ما بنقول نحنا الصحفيون، ومع دا فانا سعيد بانو مجموعات كتيرة بدت تستخدم العبارات السياسية دي، اقول والله نحنا في بعضنا ما عندنا وفاء لبعض. ودا بيعني انو لازم تكون عندنا شفافية ومصداقية (credibility & transparency) في الامور ال متل دي، دايما يا جماعة، فالثورات ما بتقوم بس كدا ساكت من فراغ، ولابد انو يكون في ملهمين وفلاسفة كمان لاي ثورة. صحيح الناس بتثور موش بس لما يحصل ظلم، لكن لما تحس بالظلم دا. وحتي في دي، ما كل الشعوب بتثور طوالي، لانو لابد للظلم دا يدخل العضم واللحم والدم عشان الناس تفور، وكمان لما تفور ما بتفور كدا عشوائياً، بيكون في ناس حركوا المشاعر دي، وهنا بيدخل دور المثقفين الصحفيين والادباء والفنانين، وزي ما قلت ليكم فلاسفة الثورة. خد عندك مثلاً الثورة الفرنسية، هي ما قامت كدا بس هوب، لكن كان عندها ال انتجوها من المبدعين ال ذكرتهم، قبل ما تقوم. لكن الفرنسيين وباقي الشعوب في الثورات الاخري، عندهم شفافية، وإخلاص ووفاء، لانهم طوالي بيعزو الثورة وينسبوها لمثقفينم ولمفكرينم ولفلاسفتم، وثورتم بتنجح بسبب الوفاء دا لكل زول ألهب حماس الناس وحركم في درب الثورة. ولما نجي هسي لثورتنا السودانية المستمرة في كل مرّة ومن سنوات طويلة، مما نزل كابوس الكيزان علي السودان، بنشوف انو الناس والله، بتختلف في امور تافهة جداً، وبنشوف بكدا انو الناس اخدت زمن طويل في الثورة دي، والثورة دي والله ما نضجت الا في اللحظات دي، يعني اللحظات الاخيرة، الشافينها دي. واذا كان الناس بتقول دا تراكم طبيعي للمعاناة عشان تنتج الثورة، اقول مع انو دا صحيح، الا انو نحنا حقو برضو ننتبه، لانو التراكم الطبيعي دا استمر سنوات طويلة، وفي كل مرّة تقوم ثورة كانت بتفشل، والنظام الشمولي الدموي بيستمر، مع انو ناس النظام دا نفسم شايفين انو مافي طريقة يستمر تاني، لانو فقد كل المقومات، الكانت عندو قبل كدا، لكن اهو، هم بيحاولوا يجدوا اي طريقة تطلعم من الورطة دي، وبيجوا باساليب زي ما شايفين.

لنجاح اي ثورة يا جماعة، زي ما انتو شايفين هنا في (باللغة السودانية الفصيحة - eloquent Sudanese language) والله كنت من سنوات طويلة باتكلم واكتب عن اول حاجة فهم لمشاكل السودان واسبابا وال اتسببوا بيها وعن موجّهات وعن متطلبات للثورة قبل القيام بيها. اذا راجعتو المراجع ح تجدوا انو في كلام كدا، ما في زول قالوا زمان، يعني في الزمن داك عن المسائل دي، وقتا زمان اول كلام عن انو اول الاسباب في مشاكل السودان هو الاستقلال غير الناضج (ايوا سميتو كدا زمان)  وانو كان غلط في الوقت داك، لانو كل القاموا بيهو الانجليز انهم سلموا البلد لقيادات طوائف، وهم عارفين انهم ما عندهم عقلية يشوفوا بيها السودان دا هو شنو؟، ومكوناتو شنو؟، وعايز شنو؟، عشان موش بس يحكموا، لكن عشان يفصِّلوا خطة سليمة لإدارة واقع متنوع الإثنيات، ومتنوع التقاليد، ومتنوع الثقافات. ولو كانوا فعلا جادين انهم يخلقوا سودان حقيقي كانوا نظروا بس للخارطة الجغرافية والديموغرافية للبلد الواسع دا، وفكروا وطلعوا من دا كلو بتفصيل توب لايق بالتكوين السوداني دا، كل الترزية الحكموا السودان، ما كان عندهم خبرة بخياطة الزيّ السوداني المطلوب. عشان كدا كنت باتحدث عن انو الاستقلال (فشنك)، وما استقلال حقيقي. وفي الوقت داك حتي ابوي عليهو رحمة الله زعل مني، خليك من ناس في باقي اسرتي، او ناس كنت اتكلم معاهم متل دا. ومع ذلك فما سكت، قلت لابوي مثلا شايف لما كنت صغير، بتتذكر انك كنت لما تسوقني الخرطوم، كنا بنمش لطرائح كدا وانت بتخت قروش في صناديق كدا، ما عارف للسيدة فلانة والسيد فلان؟ هم منو السادة ديل، ومنو العبيد؟ منو الناس الغلابة ال بتخت من تعبا وعرقا فلوس في طرائح ناس اغنياء، حتي طرائحم بتقول انهم آغنياء، لانو نحنا ناسنا الغلابة لما يموتوا ما عندهم قصور طرائح متل دي؟ ابوي عليهو رحمة الله كان بياخد فترة وياخد معاها نفس. عمي عليهو رحمة الله لما اتكلم عن امور زي دي، والا حتي يقرأ لي قصيدة في جريدة، زي قصيدة بتقول في بعض ابياتا عن الخرطوم ايام ظهرت رقصة التفاحة، ال بيختوها اولاد وبنات بيناتم، بالتحديد بينات وشهم، ويرقصوا، والله نسيت، بس بتذكر شوية زي (شنو كدا في ليلِ المقصورة، الشابُ الناعمُ يتثني، وترقصُ هنالك شحرورة، إلتصق العالمُ بالعالم، وإنفض غشاءُ الأسطورة) هههها، كان بيقول الولد دا شيوعي.القصيدة اتنشرت في جريدة الأيام ، لما كانت مكاتبا في عمارة جمعية الكتاب المقدس،  قريب من قهوة النشاط، والكانت في نفس مربوعا ومواجهة للخطوط السودانية مرطبات ندي، والكانت والله حتي ما في زيها في اوربا يمكن، من روعتا. تشوف عصير تمر الهندي الطبيعي يجري طالع نازل داخل الماكينات بحافظاتها الزجاجية.

فيما يختص بنجاح الثورة القومية الشاملة الوارد في مستهل الفقرة الاولي من البراغراف انظر

Are You Intellectual 101: 1 نقاط تصلح لدستور انتقالي في السودان| Are You Intellectual 102: 2 نقاط تصلح لدستور انتقالي في السودان| Invitation 1 HOAs Friends 6: لا للدولة الدينية والإسلام السياسي في السودان| Invitation 1 HOAs Friends 45 - هشاشة المعارضة السودانية رغم تفكك المؤتمر الوطني الحاكم في الخرطوم| Invitation 1 HOAs Friends 47 - تناقضات الصادق المهدي وصراعه السلطوي النفسي| Invitation 1 HOAs Friends 68: نقاط لانجاح شعارات الانتفاضة السودانية| Invitation 1 HOAs Friends 133: ليس للسودان دستورا ولا علما| Invitation 1 HOAs Friends 134: المأساة / الملهاة في السودان، تغييب الذاكرة الوطنية، وتسليم البشير للمحكمة الدولية وما بين كل ذلك|

دي هنا، زي ما انتو شايفين (باللغة السودانية الفصيحة - eloquent Sudanese language) ما سيرة شخصية، وانا بعتذر لاي زول يشوف فيها سيرة شخصية، لانو دي في الواقع سيرة الشعب السوداني في شمال السودان، خاصة بين مجموعتين بيشكلوا غالبية في الخارطة الديموغرافية للسودان، ومنقسمين بين بيتين، بيت ختمي وبيت انصاري. (Fuck) دا قدر السودان يعني، والا شنو؟ موش دا السبّب لينا كل المشاكل؟ انتو ما عندكم عيون ولا مخ في راسكم؟ وبرضو يزعلوا. وكانوا كدا لغاية ايام الديمقراطية التالتة (Democracy is Not for the Mass in Sudan)، وال حضرتها لفترة وجيزة، لما جيت من الكويت من عملي في جريدة الوطن الكويتية (الكويت واحدة من أهم المحطات الصحفية في حياتي)، بعد نشاطات كثيفة في الثورة ضد نميري، واتصالات كثيفة، كنت ابني بيها حوارات ومقالات مع الأستاذ دكتور عزالدين علي عامر، رحمة الله عليه، في ليفربول، ومرّة في لندن، واخرين في المعارضة السودانية، عبر خط هاتف سميتو بالهاتف الاحمر، اقول لما عدت بعد ان جهزت احد الذين اعرفهم، وعلمته يكتب مقالات سياسية، بدل الشعر الكان بيجيبوا لي، لما كنت في القسم الثقافي، عشان الشعر وان كان شعر ما بيجيب ليهو فلوس، لكن المقالات بتجيب، وتركته في مكتبي، بعد ان اتحت ليهو فرصة الحضور في المساء، لكتابة مقالتو، حتي يتعلم كمان طريقة عمل المكتب، المشرف علي اتصالات يومية مكثّفة مع مراسلي الوطن في الخارج، وهو مكتب ممنوع الدخول اليه، اقول لما رجعت برضو كنت باقول نفس الكلام الكنت باقولو زمان، ولقيت اتنين من اخواني كبار، وبيقولو تقريبا كلام مشابه، ولما امي عليها رحمة الله تتدخل في اي نقاش في بيتنا الي جانبي وجانب اخوي الكبيرين كان عمي يقول ليها والله انتي ذاتك بيقيتي شيوعية مع اولادك. دا ما ياهو الكلام ذاتو الكان بيقولوه ناس الحزبين ديل لاي زول يخالفم الرأي، وعشان عارفين في الوقت داك انو السودانيين وبسبب الجهل وبسبب التغييب الذهني للعقلية السودانية، ال هم سبب فيهو عندهم حساسية من حكاية الشيوعية دي، مع انهم بالجد ما عارفين عنها شئ، غير انها ملحدة، وهم بيظنوا انو الاسياد ديل ال بيروجوا الحكاية دي مسلمين! طيّب كيف مسلمين يستغلوا استغلال بشري فظيع مسلمين تانين؟ يعني خليك من كل عمليات الاستغلال عبر التاريخ، والخدم والحشم، والاقطاعية الكاملة في مناطق كاملة، موش كتير جدا من السودانيين كانوا بيعملوا الكان عملوا ابوي عليه رحمة الله لما يزور الطرائح دي؟ موش دا رمز لكل الشعب السوداني الفقير الغلبان، ال بيقطع من رزقو ورزق اولاده وهو غلبان، عشان يخت فلوس للسادة في طرائحم؟ دي صدقة دي؟ والا إستهبال ناس بيقولوا انهم قادة إسلاميين؟ وهل نسوا منو يجب يتصدق لمنو؟يعني كيف الفقير يتصدق للغني؟ موش دا يخلي الزول يكره الدين دا؟

فيما يختص بنجاح الثورة القومية الشاملة الوارد في هذه الصفحة انظر

Invitation 1 HOAs Friends 144 Comments: يا شباب أي أحزاب سودانية تقصدون - Guys, which Sudanese parties do you mean?| Invitation 1 HOAs Friends 145 الديمقراطية تبدأ بتحرير العقلية من الجهل السياسي - Democracy begins with the libration of the mentality from political ignorance| Invitation 1 HOAs Friends 152: بين خيانة الشعب السوداني المتقاسمة بين الأخوان المسلمين وحزب الأمة والمواطنة الصالحة| Invitation to Comment 29: اضاءة مهمة لأي عمل سوداني معارض، او اعلامي خاص باحزاب شعوبية مثل البعث والناصري| Invitation to Comment 31 - استراتيجيات في اطار فعاليات سبتمبر للقضاء علي الارهابيين في النظام السوداني| Invitation to Comment 61: The Good Positive outcome of the Sudanese Revolution - المعطيات الايجابية الجيّدة لثورة يناير السودانية| Invitation to Comment 63: يا شباب أي أحزاب سودانية تدعونها لتشارك في حوار وطني؟| 

ايام الانتفاضة السودانية الأولي في عام 1985م وموش الأخيرة دي (Sudanese Intifada) قلت دي ما ثورة، وقلت ليه دي ما ثورة، وانها كانت انتفاخة حمل كاذب زي ما قال رئيس تحرير الوطن الكويتية جاسم المطّوع عليهو رحمة الله، وهو ينصحني بان لا اسافر الي السودن، ويسألني تخلينا لمنو، والمكتب ما فيهو زول يتابع الشغل؟، فقلت ليهو انو انا جبت زول، وخليتو يجي يقعد في المساء، بعد علمتوا يكتب مقالات سياسية، وهو هسي مؤهل يدير المكتب دا، وعززت تشريحي ليهو، وفعلا حصل. وشرحت كل دا في مقالات عديدة، نشرت بعضها لاحقاً، في كتابي "تراجيديا القرن الافريقي السياسية" وفي موقع مشهد القرن الافريقي السياسي (HOA Political Scene)، لما هربت مرّة اخري من السودان، لما الاخوان المسلمين السودانيين (Muslim Brothers, Sudan) وهم الكيزان ال بنعرفم في تنظيم يسموهو الجبهة القومية الإسلامية (NIF) قاموا في فترة الديمقراطية السودانية الاخيرة بإنقلاب 1989م، وجابوا عمر البشير (Omar al Bashir) للسلطة، وقام دا كمان سوا ليهو حزب سماهو حزب المؤتمر الوطني (National Congress Party)، لما خططوا لمشاكل بين الكيزان، فقام الترابي عمل حزب المؤتمر الشعبي (People's Conference Party, Sudan)، وفي دا عندي كلام كتير كتبتو، وقبل ما اكتبوا ناقشنا الموضوع دا في قوات التحالف السودانية، فوافق البعض علي ما قلت، واعترض واحد اتضح بعدين انو عندو بذور كيزان في فهمو.

 شوف Are You Intellectual 1: شيكاغو والهنود السودانيون| Are You Intellectual 2: تغييب الذاكرة يؤدي الي تفريغ المظاهرات| Are You Intellectual 4: مؤشرات تدهور الأوضاع السياسية بالسودان| Are You Intellectual 5: إذا الشعب في السودان أراد الحياة| Are You Intellectual 7: سياسة حرق المراحل السياسية لإستمرار الأخوان المسلمين في السلطة في السودان| Are You Intellectual 9: سياسة الاخطبوط السودانية وتعطيل حركة التاريخ| Are You Intellectual 98: حتمية الشروق| Invitation 1 HOAs Friends 67: من ارشيف "فجر الثورة" لسان حال التحالف السوداني الوطني - كلام الثورة العاقلة| Invitation 1 HOAs Friends 131: كلام الرصاصة المبصرة - 8- حليمة و عادتها القديمة| Invitation 1 HOAs Friends 144: يا شباب أي أحزاب سودانية تقصدون?| Invitation to Comment 71: دا شنو دا في السودان?|

وطبعاً ظهور مدونة موقع مشهد القرن الافريقي السياسي (HOA Political Scene Blog) اتاح لي نشر كلّ ما كنت اقوله سابقاً، وإضافة العديد من الأفكار ومحفزات الثورة ليهو. عشان كدا عندي يقين انو الموقع دا وزي ما المسيحيين بيقوا عن ابداعات تصبح ملهمة لاي عمل كبير خلّاق يؤثر علي حياة الناس انجيل (Pible)، باقول والله الموقع دا (قرآن) و(انجيل) واي معتقد تاني، لكن ما بالتخلّف دا طبعاً، انما بالعمل الفكري الإبداعي، لان المفردات دي ابداعية، واصبحت متل المثل في إحالة القيّم الي معتقدات للشعوب.

فيما يختص بنجاح الثورة القومية الشاملة الوارد في هذه الصفحة انظر

Invitation to Comment 91: ماذا ينبغي علي الثورة السودانية في يناير ٢٠١٩م والتي هي إمتداد لثورة ديسمبر ٢٠١٨م ان تفعل؟ Political comments on January 2019 intifada in Sudan| Invitation to Comment 92 Comments: Seven steps towards a new state in Sudan. سبع خطوات نحو دولة جديدة في السودان Political comments on January 2019 intifada in Sudan| Invitation to Comment 94: About the modern Sudanese uprising in December 2018 and January 2019. حول الإنتفاضة السودانية الحديثة في ديسمبر ٢٠١٨م ويناير ٢٠١٩م| Invitation to Comment 97: About Sudanese December 2018 - January 2019 Intifada! حول الثورة السودانية الممتدة من ديسمبر ٢٠١٨م الي يناير ٢٠١٩م| Invitation to Comment 102: سودان يسع الجميع عبارات متداولة بسذاجة، حتي في بيانات الشيوعي السوداني|